TR Zeliang-i Kerala nung Upgraded traditional ayurvedic treatment centre ka lapoktsü

Dimapur, January 03 (TYO): Nagaland Chief Minister TR Zeliang-i Kerala semdanga aliba mapang December 30, 2015 nü Alleppey district, Chenganoor nung Upgraded Traditional Ayurvedic Treatment centre lapoktsüogo.
District Head Quarters nungi kilometer 60 shi pila oor Pamba ayongküm nung aliba traditional Ayurvedic centre, ‘Pambatheeram’ ya tongtiret aser geriatric treatment densema taneptsü anguba therapy balala atema nüngtugu lir.
Iba Centre lapoktsüdang Chief Minister TR Zeliang-i pai lapoktsüba facility tasentem ajanga shi aser tanela naprong nung anema alibaren jenjang tajungba akümtsü sarasademtsür, ta ashi.