TR Zeliang-i MLA 10 anema tanabuba petition benok

Dimapur, August 7 (TYO): NPF Party nung Whip aser Chief Minister, TR Zeliang-i Hombarnü Nagaland Legislative Assembly nung Speaker tsüngdang MLA 10 disqualify asütsü atema tanabuba ken o ka benokogo.
NLA Speaker tsüngdang Form P-2 nung Petition for Disqualification benokbaji MLA 10-Kiyanilie Peseyie, Y. Vikheho Swu, Chotisuh Sazo, Kuzholuzo Nienu, Yitachu, C.L John, N. Thongwang Konyak, P. Longon, R. Tohanba aser R. Torechu nungertem anema lir.
July 21, 2017 nü assembly atema NPF indang Whip ama TR Zeliang-i tetuyuba agütsüba anema inyakba atema MLA tem disqualify asütsü ken o ji benok, ta tanü CMO Nagaland sangdong ka nung metetdaktsü.
August 4, 2017 nü TR Zeliang-isa temalen shia aliba MLA 10 anema Disqualification Petition ka benoka liasü.
July 4, 2017 nü NPF Legislature Party Meeting nung NPF Party Rule 6(4) kübok pa Whip shimba nung ajemdaker, TR Zeliang-i July 18, 2017 nü MLA 10 nem Whip agütsü saka par 10-i July 19, 2017 nü assembly nung madenba anema Tenth Schedule nung Paragraph 2(1) kübok pai Disqualification Petition ji benok, ta CMO sangdong nungsa shia lir.