TR Zeliang-i Sumi nunger den Ahuna benjung salem lemsatep

Kohima, Yimpoksüi/November 14 (TYO): TR Zeliang-i Sumi nunger den Ahuna benjung salem lemsatepogo.
“Iba benjung ya Tsüngrem temoatsü meshitsü aser teyanglur Tsüngrem dang pelaba lemsatepba mapang ka lir. Mapa meranga inyakba aser aremzükba ajanga alu jenti arür, aser ibaji ajanga Ahuna benjung monga pelateper aser tenüngsang agütsür. Ahuna benjung mapang nung asenoki tashi tasen nung asentenshir Naga nunger, talisa Sumi nunger takar sobaliba wazüka ayutsü atema akasodi,” ta pai lemsatep.
“Iba benjung mapang nung ni Sumi nungeri tepela nung iba benjung tetezü keta amongtsü sarasademtsür,” ta paisa lemsatep.