Track Asia Cup: Aashu Sharma-i Bronze medal agizük

New Delhi, November 19 (Agencies): India kübok New Delhi yimti nung ayonga asayaba Track Asia Cup cycling asayamong anogo tanabuba nung, tanü Brehostibar nü India tsür Aashu Sharma-i India asoshi bronze medal ka agizüktsüogo.
Tetsür junior Pursuit (2 km) shilem nung Aashu-i 1:47.652 seconds nung alizüng tonga tanü bronze medal-ji agizük.
Kasa shilem nung Iran tsür Foorozan Abdohlahi-i 1:23.347 seconds nung alizüng tonga gold aser Uzbekistan tsür, Nafosat Kozieva-i 1:35.744 seconds nung alizüng tonga silver agizüka liasü.
Tetsür Individual Pursuit (3 km) shilem nunga India tsür T. Devi Bidiyaluxmi aser Rutuja Satpute nati silver aser bronze medal agizükba osang jangjaogo.
Kasa shilem nung Thailand tsür Supuksom Nuntana-i mezüngbuba jenjang ngua gold agizük.
India teloki yashi aser tanü na nung gold 1, silver 3 aser bronze 2 densema ajak agi medal 6 tashi agizüka tan asayamong nung medal timba agizüker telok tarensen nung 4 buba jenjang nguogo.
South Korea teloki gold 3 aser silver 1 densema ajak agi medal 4 tashi agizüka tang temaba jenjang nung lir.