Track Asia Cup Cycling Meet: India-i medal 11 tashi agizük

New Delhi, November (Agencies): India’er cycle toktepa anishirtemi ajak agi medal 11 tashi agizüka New Delhi yimti nung ayongba Track Asia Cup Cycling Meet nung shilem agiogo.

Gold 3, silver 3 aser bronze 5 densema ajak agi medal 11 tashi agizüka India teloki tan asayamong nung medal timba agizüker telok tarsen nung 3 buba jenjang angu.

South Korea teloki gold 6, silver 3 aser bronze 3 densema ajak agi medal 12 agizüka 1 buba aser Uzbekistan teloki gold 3 aser silver 4 densema ajak agi medal 7 agizüka 2 buba jenjang angu.

Tanü tatembangba anogo nung India-i gold 2 aser bronze 3 densema ajak agi medal 5 tashi agizüka liasü.

India tsür Deborah Herold-i tanü 13.614 seconds nung alizüng tonga tetsür elite sprint shilem indang gold medal agizükba den külemi, lai tan asayamong nung silver medal 2 tashi agizükba osang jangjaogo.

India tsür Nayana Rajesh-ia 13.510 seconds nung alizüng tonga tetsür junior sprint final nung gold medal agizük.

Kasa shilem nung külem sensotsür Anu Chutia-i 13.822 seconds nung alizüng tonga bronze aser Iran tsür Fatemeh Hadavand-i 13.623 seconds nung alizüng tonga silver agizüka liasü.

Tebur junior sprint final nung Emerson-i 12.347 seconds nung alizüng tonga India asoshi bronze medal ka agizüktsü aser tebur junior Team pursuit 4 km shilem nung Ranjith Singh, Sahil Kumar, Om Thalor Prakash aser Sanju Udayan Abhjith nungeri 4:46.643 seconds nung alizüng tonga India asoshi bronze medal agizüktsü.