Traffic asadangtsü mechi Longleng DPDP-i committee tentettsüogo

Dimapur, Mongputeni/October 16, 2019 (TYO): DCs conference hall, Longleng nung October 15, 2019 Mongolbarnü ita shia agiba Longleng District planning & development Board (DPDP) senden agia liasü. Iba senden ya tawa tasen shimba Deputy Commissioner den Vice Chairmen DPDB Longleng M. Shayung Phom-i lenisüba kübok agia liasü.
Iba senden nung olemtepba rongnung Okshok tesem telungtet nung District Hospital Longleng, parking, traffic mepetmesü/timtem aser lenmang tem onük densema liasü. Iba mapang Longleng jila telungtet nung parking aser traffic asandangtsü mechi OC Traffic, Administration, Police Department, Wards President aser LTSU densema committee ka tentettsü asoshi Board-i telemtetba agi.
Tsüngsang mopung majungba ajanga Longleng aser Changtongya tsüngda lenmangtem meyanglutet lir, saka tzüngluruwa mongpu süiba sülen maparen takaraba nung tenzüka aotsü, ta senden nung lemteta liasü.
Maneni, senden nung DC-i züngsem ajak dang shisalioktem mapang shia semdangtsü asoshi mepishi aser board senden nung nendak nendaka aruagi adentsü asoshi ajungshia liasü. Ano külen, grade agütsütsü asoshi NAAC (National Assessment and Accreditation Council) team-i college semdangtsü ali nung, Yingli College Vice President Dr. Henshet-ia züngsem ajak dang mulungsoa kakettem, water filter, senotsü teyari agütsütsü asoshi mepishia liasü.
ADC HQ Tamlu tenüng nung Tamlu EAC Nukshi-i Buranumsang yimtsüng water boring, reservoir, pipeline aser water filtration mission nung power point presentation ka agütsü aser sentong nung züngsemtemi teyari agütsüba atema pelaba metetdakja liasü.