Train nung senzürtemi sen lakh 10 tashi teyari angutsü

New Delhi, July 27 (Agencies): IRCTC website ajanga online ticket alir train nung senzürtemi asoshi taküm September ita nungi travel insurance angutsü aser ibaji sen 1 premium atema dang asütsü.
Iba scheme ajanga train nung senzürtem mesüra kibongtem nem sen teyari agütsütsü. Train lendong nung tasüba mesüra teti atema lemtatsüsa kümra sen lakh 10, tera lemtaba atema sen lakh 7.5, mozükidang amungdang endokba atema sen lakh 2 aser tasümang benshiba atema sen meyirjang 10 teyari agütsü, ta IRCTC ketdangser kati metetdaktsü.
Iba scheme ya Railways nung passenger tem (suburban trains maden) shirnoki IRCTC website ajanga e-ticket book asür, parnok nem agütsütsü, ta paisa shisem.
IRCTC-i iba scheme ya ICICI Lombard General Insurance, Royal Sundaram aser Shriram General nunger den yaritepa inyaktsü.