Train takdang merüktsü atema 58888 dangi SMS yoktettsü

New Delhi, March 11 (Agencies): Joko tang nungibo trian nung passenger temi pei amenba coach merükdaktsütsü atema number ka dangi SMS yoktettsü, kechiyong tanü Railways-i ‘Swachh Rail, Swachh Bharat’ campaign dak sentakba “Clean My Coach” tenzükogo.
Tanü New Delhi nung ‘Clean My Coach Scheme’ tenzüktsüba sülen New Delhi, Mumbai Central aser Lucknow station tem nung video-conference ajanga Railway minister, Suresh Prabhu-i, “Iba ya Technology amshia merükmejuba tetenzüker ka lir,” ta metetdaktsü.
Iba scheme ya rail budget 2016-17 nung densema lir, koba ajanga passenger kati 58888 dangi SMS yokba ajanga pei amenba coach merüktsütsü. Passenger temi yokba SMS ji idangyongjisa angutsü.
Message ka on-board housekeeping staff tem dangi yokba den coach number-a metetdaktsütsü.
Coach merüktettsü atema Passenger temi Android app “Cleanmycoach Indian Railways” mesüra webpage “cleanmycoach.com”-a amshitsü akok.
“Merükmeju ya linük nung tongtibang onük ka lir. Iba ya ajanga bendanger raliwalirtem mulung masür. Iba atema onoki Swachh Rail, Swachh Bharat campaign tenzükogo,” ta Minister Prabhu-isa ashi.
Pai ashiba agi, non-AC coach ajak nung dustbins aser shitoktsü akokba blanket alitsü.