Train track raksaba ajanga lenmang melenshitsür

Guwahati, Chiteni/July 24 (Agencies): Lower Assam districts tem nung tzünglu medangi aruba aser tzümetsüng aruba ajanga Alipurduwar division nung train lenmang raksaogo aser iba ajanga Northeast Frontier Railways (NFR) puri Alipurduar adena süiba train aika lenmang melenshitsütsüsa aküm.
Bodhbarnü official sangdong ka ajanga NFR puri Jorai aser Kamakhyaguri tsüngda train tem lenmang ka nung dang senzüdar ta metetdaktsü. Train karbo Dhubri ajanga senzüdaktsüdar.
“Jorai aser Kamakhyaguri tsüngda tzünglu aruba ajanga lenmang shibangba sülen New Cooch Behar-New Bongaigaon double line section anasa bridge 198 nung train aika adenshiadok aser ibayongji khen atema Bodhbarnü nungi lenmang ka nung dang senzütsüba benoka lir,” ta NFR sangdong ajanga metetdaktsü.
New Cooch Behar aser New Bongaigaon nung manentsüba train tem Dhubri leni yokogo, ta kasa sangdong ajanga metetdaktsü.