TranServ-i tan mezüngsüa mobile wallet Udio sayaogo

Kolkata, January 21 (Agencies): Digital payments company rongnung tulutiba ka, TranServ-i India nung Social Mobile Wallet, Udio sayaogo.
Udio Wallet yagi mashi mapang ka nung digital P2P (peer-to-peer) ajanga nü mapa aika temtettsü.
Iba ya ajanga taxi bushiba aser payment agütsüba nung dang masü saka nü telok mapa aika nung mapang meindoki teyari agütsür.
TranServ nguteter aser CEO, Anish Williams-i, “Udio sayaba ajanga company-i digital lu nung mera tasen agiba sayur,” ta ashi.
Udio wallet nungsa tanga mobile wallet tem dang nungi ‘value-added features’ timba enokja lir.
Udio wallet ajak nung Ratnakar Bank indang VISA Pre-Paid Card ka ka dena lir aser ibaji ajanga India nung shishilembar tulu lakh ka den sen agütsütepba mapa nung yaritsü.