Transformation Crusade: Asenoki chichiba Tsüngrem amanger

Dimapur, October 1 (TYO): Honibar nikongdang Wokha Town Baptist Church nung Transformation Crusade anogo pezübuba sentong agiogo.
Iba sentong nung nisung 4000 dak tema aden aser Tsüngrem o jembirji Phezoucha Nagamese Baptist Church, Kohima. Pastor, Velavoyi Keyho liasü.
Sentong nung mendenji Zuchanthung Lotha, pianist ji Abeni L. Murry, cantor ji Yonny Murry nungertem liasü aser Transformation Crusade Team-i tekülem aser tetushi agi.
“Asenoki amangba Tsüngremji chichiba Tsüngrem lir aser asenoki Pa dak teimla teti ayutsüla,” ta Velavoyi Keyho-i o jembidang ashi.
Alubo tulu saka mapa inyakertembo ishika dang ta asüba Lai o nung ajemdaker pai ashiba agi, ‘Tsüngremi kodanga sodi magir saka tanen maka mapa inyaker.’
Keyho-isa Tsüngrem tanüla ajanga asenoki timtem, tekangshi, shirang aser ajak koktettsü ta tesentepertem ayongzük.