Trebuche’t-i Longmiasang madak akok

Suzerian o Jovial na tie asü

Mokokchung, January 14 (TYO): January 4 nungi tenzüka tanü agi joko anogo ternü asayaba 26buba MDCA Inter Club T20 Cricket asayamung yangi Imkongmeren Sports Complex Mokokchung nung asayadaki.
Tanü mezüng asaya Trebuche’t o Longmiasang na asayaba Trebuche’t-i over 20 nung wicket ka dang tsüker 150 runs yanglutet. Longmiasang-i iba run-ji arshitsü merang, saka parnoki over 20 nung wicket 9 tsüker runs 106 dang yanglutet.
Iba asaya nung Trebuche’t nungi batsman Imliakümi 50 runs aser Arenlongi 25 runs yangluba den par telok nungisa bowler Merenkaba aser Wabangtoshi nati wicket asem-sem agiteta parnoki Longmiasang madak runs 44 agi takok angu.
Tanabuba asaya Jovial o Suzerain na asayaba Jovial-i mezüng bat süa parnoki over 20 nung wicket ka dang tsüker runs 120 yanglutet. Suzerain-i ibaji arishitsü meranga parnokia over 19 nung runs 120 yanglu. Aji saka, over 20 buba nung par telok pur wicket ajak tsükmaba ajanga iba asaya tie nung tembanga liasü.
Iba asaya nung Jovial nungi batsman Meyamereni runs 69 (not out) yangluba den bowler Odiyanger, Odilemba aser R. Temjen nungeri kanga junga aonba agi iba asaya tie nung tembang. Suzerain nungia Meyisübongi par telok asoshi 54 runs yanglutet.
January 16, Hombarnü tatembangbuba league match mezüng asaya anepdang 8:00 ako nungi tenzüka Rainbow CC aser Zero Boys (A) na asayatsü aser tanabubaji anüngdang 12:00 ako nungi tenzüka Gorkha SU o Sovran Kings na asayatsü sentong renema lir.