Tri-Nation Series: Australia-i West Indies akok

Bridgetown, June 27 (Agencies): World Cup champions, Australia teloki runs 58 agi West Indies telok madak Tri-National One-Day International (ODI) series final asaya yashi, Deobar nü kokogo.
Yashi asaya nung Australia teloki overs 50 nung ajak agi runs 270 yanglua kanga junga asaya.
Tesülen, Australia bowler, Mitchell Marsh-i opening batsman Johnson Charles den Darren Bravo aser Marlon Samuels nunger wicket agia kanga junga asayaba yong West Indies teloki overs 45.4 nung ajak agi runs 212 dang yangluteta yashi asaya nung tamakok ajuru.
Marsh den yaritepa, külem asayar, Josh Hazlewood-ia yashi runs 50 agüja wicket 5 tashi agia liasü.
Marsh-i Man of the Match aser Hazlewood-i Player of the Series sempet agizükba osanga jangjaogo.