Tribal Age Home nung Senior Citizen anogo among

Dimapur, October 01 (TYO): Tribal Old Age Home küm asem ajungba den Day Care Centre aser “International Day of Older Persons” anogomong TOAHDCC premises, Indisen, Dimapur nung teintet rogo parnok 41 den mongogo.
Kasa sentong nung temeimertem, teyaritepertem aser kibongtem dena liasü. Iba sentong nung tambutisangji arishi küm 94, Wb. Kumsameren Imsong liasü.
Johny Kikon leniba nung iba sentong agi, Rev. Dr. Temjen Ozukum (Pastor Indisen Baptist Arogo)-i sarasadem aser MMS-i ken tena liasü.
Sentong nung TOAHDCC Director, Imli Amri-i iba home tenzüka aruba, inyakbatem aser tarutsü sentongtem metetdakja liasü, registered Senior Citizens-i taküm kuli lemsatep aser The Light House Church Pastor, Wabang Longchari-i Tsüngrem O jembi.
Sentong nungsa teintet rogotem aser lanurtem (teyari agütsürtem)-i sarasadem onük lemsatepa sarasadem aser tenüngsang agüja lokti chiyunga sentong tembanga liasü.