Tridha Choudhury TV nung shilem agitsü yongyar

Mumbai, February 25, 2016 : Tridha Choudhury-i Star Plus nung yoktsü aliba “Dahleez” otsü nung Harshad Arora den külemi yimten yimsüsür nungiter Swadheenta Ramakrishnan ama shilem agitsü.
Tridha Choudhury ya Bengali aser Telugu film aika nung shilem agia lir aser la screen tila “Dahleez” otsü nung shilem agitsü remena lir.
Iba otsü nung shilem agitsü kanga jangrar aser kanga yongar, ta lai ashi.
“Kü shilemji kanga shisaka-a yanglua züluba lir. Ni iba otsü nung shilem agitsü kanga yongyar aser balaka bilemer kechiba süra iba ya ni asoshi TV nung mezüng shilem agir asütsü. Iba industry nung mapang talangka nungi shilem agir actor tajung aika kü den shilem agitsü. Ni parnok dang nungi tangazüktsü tashibo ajak angazükdar,” ta Tridha-i sangdong ka ajanga metetdaktsü.
“Dahleez” ya lawyer ka aser IAS officer ka indang otsü lir.