Tripura Angh-i Arunachal Pradesh repsema inyaktsü

Itanagar, July 10 (Agencies) : Deobarnü Tripura Angh, Tathagata Roy-i Arunachal Pradesh nunga Angh mapa repsema inyaktsü atema tenangzükba agiogo.
Arunachal Pradesh nung Angh JP Rajkhowa temang manemi sodi agiba atema Roy-i Angh mapa inyaka atatsü.
Raj Bhavan nung sentong ka ayongzüka agidang Assembly Speaker Wangki Lowang, Chief Minister Kalikho Pul aser minister aika aden.
Iba sentong nung Guwahati High Court Chief Justice, Ajit Singh-i Tathagata Roy nem tenangzükba agidaktsü.
Tenangzükba agiba sentong sülen Arunachal Pradesh Police-i Angh nem Guard of Honour agüja liasü.