Tripura Dy CM-i Power Minister den ajurutep

Agartala, Monupii (May) 18 (Agencies): Tripura nung Deputy Chief Minister cum Tripura Power Minister Jishnu Devvarma-i New Delhi nung Union Power Minister R.K. Singh den ajurutep aser Power department dak sendakba onüktem lemsatep.
Iba mapang Jishnu Devvarma-i R.K. Singh den tawa tenzükba Saubhagya scheme indang osang metetpela aser Tripura nung iba ajanga kilen talila sendakteptsüla ta ashi.
Devvarma-isa Ambassa nungi Gandacherra tashi 132 kv power line tekaratiba nung yanglutsü atema sen agütsütsüla ta ashi aser ibaji Central Minister-i agütsütsü nangzük.
Deputy Chief Minister-isa Bongaigaon thermal power plant nungi pwer aliba jenjang ajungkettsü atema takhangba agütsü.
Pradhan Mantri Sahaj Bijli Har Ghar Yojana – ‘Saubhagya’ ta Seotember 25, 2018 nü Prime Minister Modi-i sayatsü.
Saubhagya kübok APL aser sensaker kibongtem nem electricity connections angati sütsür. Iba ya yimtsüng aser jila ajak nung inyaker.
Linük nung electricity maliba kilen crore 4 shi lir aser December 2018 tashi nung parnok ajak nem electricity agütsütsü alizüng yua lir.