Tripura election atema nomination 320 liasü

Itanagar, Tsüklai 02 (Agencies): Tripura nung Tsüklai 18 Assembly election atema political party aser independent candidate 320-i nomination süogo aser yashi kulikakettem reprangba sülen candidate 307 indang agizükogo.
“Nomination asürtem rongnung candidate 13 magizük. Parnok rongnung BJP aser Indigenous Peoples Front of Tripura nungi 5 aser Trinamool Congress nungi 1 liasü. Tanüngba ajakji independent candidate tem liasü” ta Additional Chief Electoral Officer, Debasish Modak-i osangbener dang ashi.
Candidate kari affidavits magütsü, kari official inyakyim ama kulikakettem magütsü, ta pai-sa ashi.
Tripura kübok district 8 nungi pungu nungbo mock poll training mezüngbuba shilem tembangogo aser tanüngba district asem nunga kobi melii agitsü, ta Additional CEO, Tapas Ray-ia ashi.
Maneni police officials, expenditure monitoring aser IT applications indang training tem tagidak lir, ta Ray-isa shisem.
Züngsem 60 agi akümba Assembly indang election osangji Metsüremi 3, 2018 nü sangdongtsü.