Tripura HC-i Badal Choudhury indang bail magizük

Agartala, November 1 (Agencies): Taoba PWD minister Badal Choudhury-i bail temepishiba agütsüba Tripura High Court-i magizük.
Justice Arindam Loadh-i Bodbarnü Choudhury indang bail temepishiba angadang saka oshidang kecha magütsüi tembang.
Brihostibar nikongtsütsü 4:00 ako nung Justice Arindam Loadh-i bail magizüker ta osang metetdaktsü.
Badal Choudhury atema okatsür Haribal Debnath-i “Onoki oshidang ajunga mangu lir. Iba osangji metetba sülen ang onok teinyaktsü inyaktsü” ta ashi.
Külen, Tripura atema advocate general Arun Kanti Bhowmik-i “Badal Choudhury-i bushisüngdangertem den yariteptsü imlar. Pai aibelenba mengutetra, chioktsü” ta ashi.
“October 13 nungi Badal Choudhury-i kechi inyak’ar tasüngdangbatem lir” ta Bhowmik-isa ashi.
Bodbarnü police-i nija mozü ki ka nungi Badal Choudhury West Agartala police station-i anir oa asüngdangya. Ajisüaka, pa temang mejungi akümba agi mozü kidangi tanaben yok.
Tang pa Agartala nung aliba GB Hospital indang intensive care unit (ICU) nung anepaludar.