Tripura-i Bangladesh masü BJP pelaa agizük: Pradyot Manikya

Agartala, January 30 (Agencies): Tripura nung tanü Citizenship Bill 2016 anema lokti senden tulu ka ayonga agiba nung nisung meyirjang aikati shilem agi.
Iba sentong nung party telemsa kecha melii aser telemsa ajak nungi nisungtem aden.
Iba sentong ya Tripura tamarener kibong nungi jakzüksang Pradyot Bikram Manikya Debbarma-i anir agi. Pa dang ‘Maharaja’ ta ajar aser tanü Prime Minister Narendra Modi dang kechiba pei linük nung alirtem dang nungi tanga linük nungi nisungtem atema ang tali bilemtsür ta asüngdanga liasü.
Narendra Modiji, Northeast India aser Tripura-i BJP nem sorkar akümtsü atema tashi agütsü anungji nai tangar dang nungi onük asoshi inyaktsütsüla, ta Pradyot-i ashi.
Tamangba yimsü mesüra kin balala nungi nisungtem ya tsükchirtem masü saka political party tem ang tsükchirtem lir kechiyong parnoki ang yimtenren tsütsü tajangzük angutsü mechi nung telemsa adokdaktsür, ta paisa metetdaktsü.
Tanü sentong nungsa January 8 nü Madhabbari nung sepaitemi lungkak aitertem dak injang khaloktsüba aitsü.
Tanü agiba sentong nung BJP-i aniba Tripura sorkar den yariteper IPFT aden. Yashi Khumlung nung senden ka amendang IPFT president & Revenue Minister N C Debbarma-a aden. Iba senden nung Tripura Maharaja Pradyot Kishore Debbarman den tanga lennirtem aden.
Maneni, yashi Guwahati nung senden amendang Biplab Deb’er ministry nung Tribal Welfare Minister aser IPFT general secretary Mevar Kr Jamatia aden.