Tripura-i tangalen nungi cardio specialist doctors anir arutsü

Agaratala, September 10 (Agencies): Tripura sorkari state adena orr alir cardio specialists 12 taa agüja mapa inyakdaktsütsü atema telemtetba agiogo.
Health department-i tan ita tsüngdasa doctor tem anir arutsü mertanger, ta State minister Ratan Lal Nath-i ashi.
Cardiothoracic vascular surgery atema super specialist doctor 12 ji contractual basis nung Tripura-i arutsü. Sentong shitak dang süra, September ita nungsa heart surgery agitettsü ta paisa ashi.
“Super specialist doctor 12 ji ita 11 atema contractual basis nung inyakdaktsütsü. Doctor temi ita shia sen lakh 4 angutsü” ta Nath-isa shisem.
Küm shia Tripura nungi temulungjang manemer aika state adena orr temang anepalur aser iba nung state indang sen aika akoksar. State sorkari Tripura sen endokba kümzüktsü atema sentong atonger” ta paisa metetdaktsü.
Bangladesh nungi shirangertemia India kübok tanga state tem nung arua temang anepalur. Tang nungibo parnoki Agartala nung arua heart treatment agitsü aser iba ajanga Tripura ajangzüktsü, ta Nath-isa ashi.