Tripura: Indo-Bangla arrtsü nung nisung ka zükset

Agartala, November 1 (Agencies): South Tripura nung Ukiltilla tesem nung arrtsü anasa Bodhbarnü nashi chang shibelener asütsü, ta temolung melemi bilemba nisung ka zükset. Police osang ka ajanga ashiba agi, asüsang tenüng ya Abdul Mannan, ta jangjaogo.
Yimdaklirtem kari anepdang 2:00 ako shi nung Mannan ya nashi kar bener jena oya aliba anguba sülen iba ya atalok. Lokti-i pa dang ashishiba kecha melangzütetba sülen, parnoki pa dak azük tenzük.
Osang angazükba sülen PR Bari Police Station nungi police tem iba tesemi ao, aser parnoki pa mozüki anir ao, saka doctor temi pa tasü bener aru, ta metetdaktsü.
Iba dak sendakba nung ken o ka benokogo. Tang tashi nung iba tatalokba dak sendakba nung nisung kata pua mali, ta South SP – Manchak Ipper-i ashi.
South District len Bangladesh den arrtsü km 204 lir, aser tang tashi km 9 shi atsü matsüi lir.
Taoba ita BSF ketdangser ka nashi chang shibelener asütsü, ta temolung malemba nisungtemi Indo-Bangla arrtsülen Sepahijala tesem nung azük. Pa anogo tatsüka kangshiyar süadok.
March ita nashi chang shibelener asütsü, ta temolung malemi bilemba lisopur tetsür ka dena parnok asem Indo-Bangla arrtsülen BSF puri khasetogo.