Tripura: Kibong ana nungi par pezü nomination file süogo

Agartala, Tsüklai 1 (Agencies): Tripura congress party nungi nüngtugu kibong ana nungi tebu aser par chir na aser adianu ana ta, yashi constituency aser political party balala nungi nomination file süogo.
Taoba mapang nung Chief Minister aser state nung politician tem rongnung tejentiba Samir Ranjan Barman ‘independent’ candidate ka ama Sepahijala kübok Bishalgarh assembly constituency nungi nomination file süogo aser par jabaso BJP, MLA Sudip Roy Barman Agartala constituency nungi BJP nominee ka ama nomination file süogo.
Kasa mapang nung taoba mapang Congress pusemer aser state agriculture minister Mansur Ali Mazumder’er jabaso ana Sepahijala kübok Sonamura nungi constituency ana nung nomination file süogo.
Adianu ana rongnung tambusang Baharul Islam Mazumder, Boxanagar nung BJP tenüng nungi sports minister Shahid Choudhury den tokteptsü aser tenu Mujibur Islam Mazumder Congress nungi Sonamura menden atema BJP vice president Subal Bhowmik den tokteptsü.