Tripura Municipal election nung Left-i takok rangben agu

Agartala, December 12 (Agencies): Honibarnü Tripura municipal election nung Agartala Municipal Corporation (AMC) dena state nung aliba ‘local’ sorkar 20 prongla nung tang yimsü tesüdak Communist Party of India-Marxist (CPI-M)-i aniba Left party-i takok nguogo.
Left party nungi maneni AMC nung züngsem 49 pezübenbuba atongatonga shimtetogo aser Left Front nungia municipal council 12 den nagar panchayat 6 menden maneni agiogo.
Iba election ya küm 144 tain, Agartala Municipal Corporation, municipal councils 13 aser Tripura nung nagar panchayat pongu atema Bodhbarnü agi. Left party-i aniba state nung aliba voters 537,968 rongnungi noklang nung shilem 89-i vote agütsüogo.
Iba election nung tetsür 429 dena tetokteper candidate ajak agi 886 liasü.
State Election Commission-i ashiba agi, state nung ‘civic body’ atema menden 310 atema toktepba election nung Left-i menden 291, Congress-i menden 13, BJP-i menden 4 aser Independent-i menden ana ta nguteta liasü.
AMC nung menden 49 atema toktepba nung Left-i menden 45 aser Congress-i 4 ta angu.
Agartala Municipal Corporation ya northeast tesem nung aliba municipal rongnung tambü aser iba ya 1871 küm latetba lir.