Tripura nung 7th CPC agütsütsü

Agartala, Mongputeni (October) 10 (Agencies): Tripura nung BJP-IPFT-i aniba sorkari 7th Central Pay Commission (7th CPC) mapa küma tenzüktsü ta metetdaktsü.
PP Varma Committee-i state sorkar mapa inyaker 219,454 indang itasen aser pension tutsütsü ashiba agizüka Tripura Chief Minister Biplab Kumar Deb aser tanga Cabinet Minister temi yashi osangbenertem dang iba osang metetdaktsü.
October 1, 2018 nungi tenzüka state sorkar mapa inyaker aser pensioner tem indang itasü 14.2% tutsütsü.
State Secretariat nung osangbener den jembidang Deputy Chief Minister & Finance Minister Jishnu Dev Varma, Health Minister Sudip Roy Barman, Education Minister Ratan Lal Nath aser Tribal Welfare Minister N C Debbarma nungertem liasü.
7th CPC mapa küma inyaktetba atema Prime Minister Narendra Modi, Union Finance Minister Arun Jaitley, BJP chief Amit Shah aser Modi’er cabinet dang pelar, ta Deb-i ashi.
Iba atema kümshia sen crore 7,728 nüngdaktsü aser iba nung ita shia sen crore 76 ama sen crore 912 densemtsü, ta paisa shisem.
CPI-M-i aniba Left Front sorkari sen crore 11,500 sentsüh yutsü. State sorkari senotsü timtem liaka February 18 Assembly elections matongdang nübortem dang nangzükba ama sorkar mapa inyakertem indang itasen aser pension tutsüogo, ta paisa metetdaktsü.
7th Central Pay Commission (7th CPC) ajanga pensioners temi pension tajemba agi ita nung sen 8,000 aser timba agi ita shia sen 1,07,450 angutsü.