Tripura nung AIDS keta alir, kidang yaritepertem nem teyari agütsütsü

Agartala, July 29 (Agencies): Tripura nung Left Front sorkari Mongulbar nü kidang yariteper tetsürtem, tebur ser nung tetsür mesükba/tetsür ser nung tebur mesükba, leprosy o AIDS tashidak keta alirtem aser anganwadi nung inyakertem asoshi ita shia sen teyari agütsütsü metetdaktsüogo.
Cabinet senden ka amenba sülen Tripura chief minister Manik Sarkar-i ashiba agi, state sorkari state nung nisung telemsa balala nem sen teyari agütsütsü asoshi teinyaktsü 20 latetogo aser ibaji ajanga ita shia nisung 107,060 ajangzüktsü.
“Mongulbar nü cabinet senden amendang onoki sen 350 nungi tenzüka sen 500 tashi nisung telemsa balala nem teyari agütsütsü lemtetogo,” ta Sarkar-i osangbenertem dang ashi.
Iba ya ajanga state nung sen crore 2.33 tali nüngdaka akümtsü.
Küm 60 junger mapa nungi anener külen, anganwadi nung inyaka alirtem nem sen 500 agütsütsü aser parnok den yaritepa alirtem nem sen 350 agütsütsü asoshi tatar temi telemtetba agiogo
Chief minister-i ashiba agi, anganwadi nung inyakertem aser yaritepertemi ita shia sen maginera küm nung lump sum sen 50,000 aser sen Rs.30,000 agütsütsü
Anganwadi nung tajemba agi küm pongu inyaker süra parnok meyong teyariji senmanger nem agütsütsü akoktsü.
Tripura anganwadi centre 10,000 shi lir aser ajak nungji teinyaker kaka den teyariteper kaka lir.