Tripura nung an wara putet; an 8,500 shi tepsetogo

Gandhigram, January 16 (Agencies): Tripura nung an wara putetba sülen Honibar nungi sorkar meyong Gandhigram State Poultry Farm nung  shiranger an tem agientsü atema mapa tenzükogo.
Küm asem shi lir külen Tripura nung an wara adokogo.
“January 13 nü an tasü kar angu aser itemji Agartala nungi Bhopal High Security Laboratory nung tendangtsü atema bener yok aser idak nungjagi January 14 nikongtsütsü 6:00 ako meta Avian Influenza virus putetba osang shiok. Iba nung ajemdaker an farm ajak nung Avian Influenza aliba antem tepseta endokba mapa tenzükogo aser iba ya India sorkari latetba ozüng lir” ta Animal Resource Development Department (ARDD) Director, Manoranjan Sarkar-i ashi.
Honibarnü sorkar meyong an farm nung an 8,500 shi tepseta indokogo aser ano entsü 10,000 shi raksaa endok, ta paisa ashi.
Iba farm meketa kilometer ka telongtet nung aliba farm ajak nung antem tepseta endoktsü aser iba mapaji Deobar nungi tenzüka inyaktsü. Nüngdak dak süra kilometer 10 telongtet nung aliba antem ajak tepsettsü, ta ketdangserisa shisem.
2008 April aser May tsüngda Tripura nung mezüng an wara adok aser iba mapang ketdangsertemi an lakh aika tepseta liasü.