Agartala, March 03 (Agencies): Brihostibarnü Agartala nung police-i, Bangladesh tsür toku aser tanur asem densema Bangladesh nunger 23 India litsü telungi ozüng alema aitba atema Tripura nung puogo, ta metetdaktsü.
Osangbenertem den jembidang police otongdar Uttam Kumar Bhowmik-i, “Osang ka lazükba nung ajemdaker Bodhbar aonung tesü northern Tripura, Gandachara nung police-i Bangladesh nunger 23 apu. Iba sülen local court kati parnok 20 judicial ket nung agütsü aser tanur asem juvenile home kati yok. Police dang March 8 nü parnok maneni court-i anir arutsü tuyuogo,” ta ashi.
Paisa ashiba agi, Bangladesh nunger jagi police dang parnok Bangladesh, Chittagong Hill Tracts nungi gopiras ka ajurutsü atema Tripura-i aru ta shiogo.
Ano police ketdangser kati ashiba agi, tang pua alirtem jagi parnok ajak agi nisung 43 aru ta ashiba nung ajemdaker tanüngbatemjia police-i bushidar.
Tripura o Bangladesh na arrtsü kilometer 856 lir aser arrtsü tulubaka nung tenem aser ayong lir.
You must be logged in to post a comment Login