Tripura nung Congress LS candidate amak

Agartala, March 31 (Agencies): Tripura nung Congress party indang Lok Sabha candidate Subal Bhowmik dak Deobarnüa teka sangshi.
Tanü Tulamura, Udaipur nung pa amak aser iba inyakyim pai hopta ka tsüngda anaben tashi ajuruogo.
Tanü Subal Bhowmik aser Congress züngsemtem süidang nisung telok kati süng, yin aser techira osettem amer amak.
Tripura Pradesh Congress Committee (TPCC) president Pradyot Manikya-i iba tatalokba aitsü aser iba ya Congress candidate dak dang masü saka democracy amakba lir ta metetdaktsü.
“BJP-i Indian constitution aser democracy nung tamang mayur ta kuli maneni sayuogo. Tan Lok Sabha elections nung BJP dang tansütsü ka sayutsü. Taoba mapang Tripura nung yimsü asür CPI(M) party dak ajizüka BJP-i ozüng alema mapa inyaker” ta Manikya-i ashi.
“Sorkar yimsü asüba telokbo melenogo saka March 3, 2018 sülen CPI(M) züngsemtem BJP nung denogo aser tesüiba mapangtem ama ozüng alema mapa inyaker” ta paisa shisem.
Congress lennirtem aser züngsemtemi shinga tsüngdang mapudaktsü saka Congress tangatetba atema kechi südir süaka raratsü ta Manikya-isa metetdaktsü.