Tripura nung COVID-19 tashidak puteter nisung 1931 jungogo

Chiteni/July 11, 2020 (Agencies): Hokolbarnü, Tripura nung nisung 141 dak COVID-19 tashidak tasen puteta liasü.
State chief minister Biplab Deb-i, Hokolbarnü nisung 2125 indang swab sample tendanga liasü, ta metetdaktsü.
Swab sample 2125 rongnung nisung 141 dak COVID-19 tejangja aliba putetogo.
Tashidak puteta alir nisung 141 rongnung, State kübok Anüolen district nungi nisung 35, Anudoklen tip district nungi niusng ka, Gomti district nungi nisung 10, Khowai district nungi nisung 63, Anüolen tip district nungi nisung trok, Dhalai district nungi nisung 15 aser Sepahijala nungi nisung 11 densema lir.
Tashidak puteter rongnung kabo doctor aser la Agartala nungi lir.
Tripura state nung anogo ka tsüngda tashidak timtiba putetba rongnung, Hokolbarnü putetba ya tanabuba asütsü.
Taoba ita, June 4 nü, Tripura nung nisung 151 dak COVID-19 tashidak tejangja puteta liasü.
Tang, Tripura nung iba tesashi wara agi kongshir alir nisung 1931 jungogo.
Hokolbarnü, Tripura nung ‘Spot antigen detection test’ maparen tenzükogo. Hokolbarnü anüngdang, passenger densema train ka Delhi nungi Agartala tonga aruogo. Iba mapang, inyakyim agi melaba ama train nung arur ajak screening agia tetendangba agia liasü.
Udaipur kübok COVID-19 tashidak agi menentsür aliba tesemtem (containment zones) nunga ‘antigen detection test’ maparen tenzükogo.
Kasa anogo (Hokolbarnü), Agartala jila kübok tashidak agi menentsür aliba tesem ka lapokja liasü.