Tripura nung epic mesüra photo voter slip malirtemi vote magütsütettsü

Agaratla, Tsüklai 10 (Agencies): Tripura nung taila vote noktangtsü atema vote agütsür shiai BLO-i agütsüba photo electoral card aser photo voter slip kulitem amshia dang vote agütsütettsü ta Election Commission of India-i tanü tetuyuba ka agütsü.
Taoba elections tashi ECI-i epic card aser photo voter slip dak alia photo identity aliba kulikaket 11 amshitsü temelaba agütsü, ta tanü CEO Sriram Taranikanta-i ashi.
India nung Electoral Photo ID Card (EPIC) noklang shilem aliba state kar rongnung Tripura dena lir. Talisa, taküm election atema polling booth shia nung BLO tem mapa lemzüktsüogo aser parnoki vote agütsür shia kanga junga meteta ali asü nung tanga kulikakettem amshia vote magütsütettsü ta Taranikanta-isa shisem.
State sorkari agütsüba kulikaket mashi ka amshia vote agütsüdaktsür ta Tripura nung opposition-i CPI-M dak tai tonglokja aru.