Tripura nung kibong 3,000 dak tali talidak ki makai kümogo

Agartala,October 22 (Agencies): Tripura nung taoba ghonda 24 tzünglu medangi aruba ajanga tzümetsüng arua kibong 3, 968 talidak makai kümogo.
State disaster management osang ajanga ashiba agi, parnok ya state nung camp 54 lapoka alibatem nung jenoka lir.
Ki makartem rongnung kibong timba ka West District nung Sadar sub division, Khowai District nung Teliamura aser Khowai tesem aser Gomati District nung Udaipur nungi lir.
Maneni Sepahijala District kübok Bishalgarh aser Sonamura tesem nung ki 120 shi kar terera aser kar ajunga ta raksaogo aser iba den tesem aika nung tzümetsüng ajanga tsünüsempongtsütem aika raksatsüogo.
Indian Meteorological Department ajanga Odisha, East Jharkhand, East Bihar aser northeastern states – Nagaland, Manipur, Mizoram aser Tripura nung taruba ghonda 24 tsüngda tzünglu kanga sashia arutsüba takzüogo.
Maneni Assam , Meghalaya aser Sub-Himalayan , West Bengal tesemtem nunga taruba ghonda 48 tsüngda nung tzünglu kanga sashia arutsü imlar.
Kasa mapang nung BSF puri Swami Vivekananda Stadium nung half-marathon asemtepba sentong ka Deobarnü agitsü lemteter aliba thiogo. Iba half-marathon ya October 29 nü asemteptsü.