Tripura nung NLFT telungpur ka temai adok

Agartala, November 01 (Agencies): Tanü Dhalai district, Raishyabari nung National Liberation Front of Tripura (NLFT) telok nungi arishi küm 25 züngsem ka Border Security Force (BSF) sepai matsüngdangi aruogo.
Pa ket nung electric detonator asem aser 5.56 mm injang aika bena liasü.
Iba dak sentakba nung BSF ketdangsertemi, “Pei sasa temai adoksangji NLFT (BM) telok nungi züngsem liasü aser paji North Tripura, Chowmanu kübok Thalchera nungi Chittaranjan lir,” ta ashi.
Yashi pa Pathachera BOP atong aser tanü BSF 10th battalion matsüngdangi aru. Pa police ket nung agütsüogo.
Asüngdangyaba mapang pai, NLFT telok raraba hadir aser injang agi anünger iba den külemi telok telung nung meputep lir, ibaji ajanga pa temai adok, ta ashi.