Tripura nung tanur tashiyim agi raksatsür school principal ka apu

Agartala, June 13 (Agencies) : North Tripura district nung primary school principal kati kaketshir tanur ka dak tashiyim mapa inyak ta tai tonglokja police-i principal apu.
Arishi küm 36 tain principal ji Kanchanpur nung private residential school ka nung inyaker aser pai arishi küm 9 tain kaketshirji aiben pa indang official residence nung tashiyim agi raksatsü ta tai tonglokja lir. Yaküm October ita nungi tenzüka pai tanutsüla dak tashiyim mapa inyak, ta SP (Police Control), Uttam Kumar Bhowmik-i metetdaktsü.
Tanutsülaji summer vacation amungtsü atema lar kidangi ao aser la tetsü dang tatalokba osang ashi aser lai school-i meyipa aotsü memulungi liasü, ta Uttam Kumar-isa shisem.
Yashi tanutsüla tetsüi FIR benokba nung Karnataka nungi aruba principal jagi tanutsüla dang noksa aser video tamajungtem sayu ta zülua lir, ta Uttam-isa metetdaktsü.