Tripura nung taoba Cong MLA tepsetba atema nisung 13 aitsü

Agartala, November 1 (Agencies): Taoba Congress MLA Parimal Saha tepsetba atema Tripura High Court-i nisung 13 taküm piyong tepuokdak ayutsü temerenshi agütsüogo.
Chief justice Sanjay Karol aser justice Arindam Lodh na adenba division bench kati Hokolbarnü nisung 13 aitsü.
West Tripura District and Sessions Court-i tai tonglokja alir rongnung Satya Das den nisung pezü metenja liasü, ajisüaka High Court-i Das aitsüogo.
April 7, 1983 nü Office Tilla, Sepahijala district nung CPI-M züngsem kari taoba Congress MLA Parimal Saha aser pa den yariteper Jitendra Saha na tepset.
Dutta ya Charilam Assembly constituency nungi MLA liasü.
Iba tatalokba ajanga Tripura kübok tesem aika nung mepetmesü adok. Iba mapang CPI-M-i aniba Left party temi state sorkar ketdangsüa liasü.
Iba tatalokba sülen Bishalgarh police station nung nisung 24 anema ken o benoka liasü. April 2016 nung West Tripura District and Sessions court-i nisung 17 nungi 12 taküm piyong tepuokdak ayutsü aser nisung pungu kuli tejangja maliba atema metentsü.
Tanü Opposition Congress aser BJP-i High Court oshidang pelaa agizükba metetdaktsüogo.