Tripura nung Trinamool MLA 6-i NDA Tir candidate, Kovind ajuru

Agartala, July 07 (Agencies): Tripura nung Trinamool Congress MLA troki BJP-i aniba NDA Tir candidate, Ram Nath Kovind ajuruogo, aser ibaji ajanga sangküm state nung assembly election agitsü lia parnoki BJP nung adentsü südi ta bilemer.
Sudip Roy Barman leniba nung MLA trok jagi Trinamool Congress tongti, Mamata Banerjee anema Kovind ang pusemtsü lemtetogo.
Mamata Banerjee-ibo Congress-i aniba opposition candidate, Meira Kumar pusemtsü, ta sangdonga liasü.
BJP-i state nung Left Front sorkar atsüngdoktsü nükjidong yur inyaker. Tang Northeast nung Assam, Arunachal Pradesh aser Manipur nung BJP sorkar tashi nung lir, aser Nagaland nunga teloktep sorkar nung densema lir.
Trinamool MLA trok jagi, parnok party nungi manentsü mesüra mejendok, ta metetdaktsü.
MLA temji Guwahati-i aru aser Kovind ajurua liasü.
Parnok rongnung MLA kati, “Onok BJP nung adentsüa akok. Ibaji July 22 sülen ataloktsüa akok,” ta metetdaktsü.