Tripura nungi ganja seret 744 abener nisung 2 apu

Shillong, January 12 (Agencies): Diengpasoh toll gate, Shillong meketa aoba lenmang nung Ganja shibelener ana Tripura nungi Bihar-i ganja bener oa lia puogo.
Yimti nung aliba Customs Headquarters Preventive Unit-i jelia osang angashia Shillong meketa aoba lenmang toll gate nung Bihar indang truck gari ka nung sen lakh 43 alang ganja jenjang aketba seret 744.07 Mongolbarnü apu.
Iba ganja ya gari anisang sülen talila taktang ka yanglur idakji miima inoker bener lia apu. Gari anisang, pa den yaritepsang aser gariji Narcotics Drugs aser Psychotropic Substances Act kübok aliba ozüng dak ajemdaker apu.
Iba ken o okadak benokogo.
Iba tenokdangba oset ya tawa Tripura nung bulua züsenteter aser Bihar-i shibelener.
Maneni iba shibelenba mapa nung densema alirtem aputsü asoshi bushisüngdangdar.