Tripura Police-i SMS, e-mail ajanga aruba FIR agizüktsü

Agartala, October 19 (Agencies) : Tripura Police-i SMS mesüra e-mail ajanga yokba FIR agizüktsü ta Deobarnü metetdaktsüogo.
SMS mesüra e-mail ajanga FIR (First Information Report) agütsürtemi tenüng aser address den tatalokba osang aser atalokba tesem indang osang agütsütsüla, ta Tripura Police-i metetdaktsü.
Tripura Police-isa tetsürtem anema mapa inyakba azüoktsü atema toll-free helpline number ka tenzüktsüogo.
“Tripura nung alir nisung mashi kati Helpline (1091) ajanga teyari meshitsü mesüra police nem osang sangoktsütsü akok” ta police otongdar kati ashi.