Tripura police taoba NLFT züngsem 6 apu

Agartala, February 28 (Agencies): Tripura kübok Gomati district nung petrol pump ka nung sen auyaba ken o atema Tripura Police-i nisung 6 apu.
Parnok nisung trok ya yasüng apu aser parnok ajak ya temai adokba NLFT telungpurtem lir ta jangjaogo.
Osang tejangja ka angazükba sülen tai tonglokja alir nisung 6 ji tesem balala nung apu, ta Deputy Inspector General (DIG), Arindam Nath-i ashi.
CCTV footage aser tanga kulitem nung ajemdaker Tripura Police-i iba auyaba mapa nung shilem agirtem aputsü atema bushisüngdang tenzük aser Bodbar aonung parnok apu.
Police-i apurtemji Ompi nungi Falguni Hari Jamatia, Abhoynagar nungi Sarik Debbarma aser Udaipur nungi Victor Jamatia, Pushpasadhgan Jamatia, K V Molsom o Dayal Jamatia nungertem lir.
Police-i parnok ket nungi Rs. 30,000, 9MM pistol ka, injang 9, kotari ka, mobile handset 3 aser bike ka ngutet, ta Nath-isa metetdaktsü.
Parnok ajak ya National Liberation Front of Tripura (NLFT) nungi ‘Surrendered Militants’ lir ta paisa shisem.