Tripura sorkari tzünoktang 1,477 yanglutsü

Agartala, August 9 (Agencies): Tripura sorkari tzümetsüng azüoktsü aser ango o patak metsütsü atema tzü noktang 1,477 yanglutsü, ta Chief Minister Biplab Kumar Deb-i tanü metetdaktsü.
Tripura nung tang tashi nung check dams 332 lir.
“Japan International Cooperation Agency (JICA) teyari ajanga sorkari check dams 1,447 yanglutsü” ta Deb-i ashi.
Tzünoktangtemji Rs 1,000 crore project kübok yanglutsü ta paisa shisem.
Hokolbarnü ‘Product and Industrial use of Bamboo’ indang workshop tenzüktsüdang iba osang metetdaktsü.
“Sustainable Catchment Forest Management indang mapatong ajanga tzümetsüng azüoktsü aser ango den patak metsütettsü. Iba mapatong ya ali anenzükba aoba ajemdaktsütsü atema lir, kechiyong iba ajanga ayongtem nung lishi bendener aser tzümetsüng adokdaktsür” ta Chief Minister-isa ashi.
Tripura sorkari aou agi yangluba osettsüset shishilembaba maparen ya Northeastern State adena oa inyaktsü meranger, ta Deb-isa shisem.
State sorkari ali hectare 15,000 nung aou atemtsü telemtetba agiogo, ta paisa ashi.