Tripura sorkari UPSC agütsür nem scholarship agütsütsü

Agartala, August 23 (Agencies): Tripura sorkari tazünger lanurtemi UPSC examination nung takok angutsü atema ajungmesoa telemtetba ka agiogo.
State sorkari telemtetba agibaji UPSC examination agütsütsü jangrartem nem scholarship agütsütsüba lir.
Brihostibarnü State Cabinet-i ‘Lakshya’ ta ser scheme ka agizük aser iba ya scholarship programme ka lir.
“Iba scheme ajanga state higher education department-i UPSC agütsürtem yaritsü” ta State education minister Ratan Lal Nath-i ashi.
UPSC agütsütsü atema state adena orr IAS, IPS, IFS aser IRS examination atema coaching agirtemi parnok preliminary stage tembangba sülen sen lakh 1 scholarship agütsütsü, ta Nath-isa ashi.
Ano, parnoki main examination tembangba sülen state sorkari Rs 20,000 agütsütsü. Iba ya parnok state adena orr aliba atema agütsütsü, ta paisa shisem.
Annual income sen lakh 10 teküpok anguba kibong nungi kaketshirtem nem ‘Lakshya’ scholarship ya agütsütsü. Parnoki iba facility ya anaben angutsü, ta education minister Ratan Lal Nath-isa metetdaktsü.
State sorkari education nung temulung agütsür aser sorkari national jenjang nung kaketshirtemi administration tsütsü mapa ngua inyakdaktsünür, ta paisa ashi.