Tripura tribal party temi CAB anemer

Khumulung, January 31 (Agencies): Tripura nung Non-Left opposition tribal party temi longjemer Khumulung, TTAADC headquarters nung Citizenship Amendment Bill anema longkak aitogo.
Tang mezung BJP aser CPI nung madenba party temi longjemer CAB 2016 anema longkak aiter. Longkak aitba sentong dak sendakba nung parnoki Jirania sub-division kübok Dasharambari area nungi tribal temi longkak aita ‘Bangladeshi go back’ ta yimyim ayima jaja. Yimdong süa longkak aitba sentong nung tribals meyirjang aikati shilem agia liasü. Iba sentong ya Tripura PCC working president, Pradyut Kishore Debbarman, INPT Tir, Bijay Kumar Hrangkhawal, G/secy., Jagadish Debbarma, taoba mapang ATTF tongti, Ranjit Debbarma, taoba MLA Rajeshwar Debbarma, Tipraha lenir Ramani Debbarma aser NCT Tir, Animesh Debbarma nunger leniba nung agi.