Tripura tzümetsüng nung ki 4000 shi raksa

Agartala, August 28 (Agencies): Tripura nung tawa tzümetsüng lendong nung district asem; West Tripura, Sepahijala aser Khowai nung ki 4,000 dak tema raksaogo. Kasa mapang nung tsünüsenpongtsü raksababo tang tashi asadanga mali. State Revenue Ketdangsertemi ashiba agi, tzümetsüng ajanga ki 4091 raksatsüogo aser item rongnungi ki 92 khenyongi raksaogo, 537 kanga mejungi raksaogo aser ki 3,472 terara raksar lir.
West Tripura districts kong Howrah ayong moshia ayimba ajanga tzümetsüng kanga sashia arua liasü, iba district ya state nung district ajak dang nungi tamajungba kongshia liasü aser iba ajanga iba amala tensa nung sorkar teinyaktsütem bilemdangshitsüsa kümogo.
Ajisüaka ketdangsertemi ashiba agi, teyari balala agütsüba sentong inyak tenzükogo. Kibongtem shirnok ki ajunga mesera kanga mejungi raksar lir parnok nem tang atema teyari sen meyirejang pongungu agütsütsü.