Troikci-i Sydney International takok marok agizükogo

Sydney, January 16 (Agencies): Serbia nunger Viktor Troicki-i Bulgaria nunger Grigor Dimitrov madak final asaya koka Sydney International asayamong tebur singles shilem indang takok marok tanü Honibar nü agizükogo.
Arishi küm 29 tain Troicki-i tanü ghonda 2 ser minute 16 nung points 2-6 6-1 7-6(7) ngua Dimitrov tsükdaktsü.
Tanü final asaya nung Troicki-i mezüngbuba set mekoktet saka tanabuba set anaprongla atonga akokba yong pai takok marokji agizük.
Troicki-i tan agi Sydney International takok marok anaben tashi atonga agizüker lir.
Troicki jakdang, America nunger James Blake-i tesüsa, 2006 aser 2007 na nung iba asayamong indang takok marok atonga agizüka liasü.
Tebur World No. 22, Troicki-i taruba hopta asayatsü ayongba Grand Slam asayamong, Australian Open nung Spain nunger Daniel Munoz De La Nava den mezüngbuba round asayatsü lemzüka lir.
Kasa asayamong nung Dimitrov-ia Italy nunger Paolo Lorenzi den mezüngbuba round asayatsü.