Truck gari anitsü temela masü:Varun

August 11, 2016 : TV sentong ka nung truck gari anishisang, actor Varun Sharma-i, iba gari tulu anishitsü ya tereprangdang melamela reprangba ama masü, ta ashi.
History channel indang sentong “Ice Road Truckers, India’s Deadliest roads” nung Varun-i Manali nungi Siachen tashi truck gari anir ao.
“Iba gari anidang kanga belemer aser temang agi makoker, ajisüaka ni kanga meranger aser kobi meli-i mongin akümtsü,” ta Varun-i sangdong ka ajanga metetdaktsü.
Iba TV sentong nung Manali nungi Leh tashi nung aliba tetsübutsü gari lenmangtem nung truck anir jajaba angutsü.
Kasa sentong nung Varun den Mandira Bedi aser Sangram Singh nata dena lir.
Ni tangang Sushant Singh Rajput aser Kriti Sanon nunger den “Raabta” film tangokzük aser ano memunui “Fukrey 2” film tangok tenzüktsü, ta Varun-i ashi.