Truck gari driver kati LPG yoka achiba putet

Tzüdikong, August 23 : Tzüdikong Town nung aliba “Paper Mill Employees Consumer Co-operative Society” (PMEC Co-Op Society) ajanga aruba LPG Cylinder touzük (Weight) matoksa bener arua ayokba atema Tuli administration O Tzudikong Ad-hoc Town Committee (TATC) nati aipen check süa seret touzük (Weight) shitak bener arutsü PMEC Co-Op Society ketdangsür dang shiyonga arur.
August 7, 2016 anogo nung LPG apenba truck (AS-25AC-8192) anishir Pawan Kalita-i Assam nungi cylinder bener arudang lenmang tom nung cylinder aika nungi gas agizüka yoka achiba puteta pa dang temenok sen Rs.15,000/- meshiogo.
Tang alima yanglushitsü jembiba mapang ka nung gari anishir kati yamaji ochimashi mapa inyakbaji TATC-i kanga aitsür. Tang nungi balaka PMEC Co-Op Society ajanga aruba LPG shilembaba aser touzük (Weight) shitak ali mali TATC-i tenük yoka reprangtsü aser aibelenba putetra shiba südir süaka merenshitsütsü ta sangdong ka nung metetdaktsü.