Trump-i ‘Radical Islamic Terrorism’ anendaktsütsü ayongzüker

Washington, August 18 (Agencies): Spain nung kiralongrartemi nisung 14 tepsetba aser 100 shi yirutsüba sülen Hokolbarnü US tir Donald Trump-i “radical Islamic terrorism” anema mapa tesashi inyaktsü tayongzükba agütsü.
Yashi van gari anir kati Barcelona yimti nung nisungtem tsükdoker menüng aser idangji nisung 14 asü.
Iba mapa atema Islamic State kiralongrar teloki tenüng agiogo. Iba tatalokba sülen Cambrils jila nung gari amshia amakba atema police-i temulung melemi bilemer nisung 5 khaset.
“Kechi komar ka süaka Radical Islamic Terrorism ya anendaktsütsüla. Okadak balalai asenok kümzüka ayutsü temetentem asenok nem meyipa agütsütsüla” ta tanü Trump-i Twitter nung metetdaktsü.
Trump-isa US security forces aser ozüng amertemi iba tensa jungjunga reprangdar aser kümdangshia lir, ta ashi.
“Homeland Security aser law enforcement-i kanga dang kümküma aser kümdanga tensa reprangdar. Asen arrtsütem akhi dang nungi takangba lir” ta paisa shisem.