Trump-i UN Ambassador atema Haley tenüng benoker

New York, November 23 (Agencies): US Tir tasenba akümtsü temeten ngua alisang, Donald Trump-i par sorkar tasenba kübok United Nations (UN) Ambassador inyaktsü atema South Carolina Governor, Nikki Haley tenüng tanü, Bodbar nü benokogo.
US senso küma alir India nunger jala, arishi küm 44 tain Haley-i tan agi Governor menden tanabuba kümsük abener lir saka lai tanü tashi bendanglenbo ken danga tenzükdanga mali.
Trump-i benokba ama, la asangsang nung US’er UN Ambassador shimra, la ya Trump’er Cabinet nung züngsemer temesüng nisung masür mezüngbuba yimsüsür akümtsü.