Trump-i US Tir election nung shilem magitsüla: Alwaleed

Dubai, December 12 (Agencies): US Tir election nung Republican yimtenren telok nungi candidate ka ama toktepsang, Donald Trump-i Tir election nung shilem magitsü takhangba olen ka Saudi Arabia’er billionaire chubachir, Prince Alwaleed bin Talal-i tanü Honibar nü metetdaktsüogo.
“Trump-i Muslim nisungtem US-i maitdaktsüi nokdangtsü onük benokba ajanga Republican telok aser America ajunga nem maksü tulu bener arutsüogo. Anungji, pa US Tir menden asoshi tokteptsü metemsüi kümogo,” ta Alwaleed-i ashi.
“Trump-i Tir election nung toktepa shilem agitsü maparen tekaraba mapang nung anenadoktsüla kechiyong pai election nung kodanga takok mangutsü,” ta pai shisem.
US kübok California nung Muslim nunger 2-i nisung 10 dak tema injang agi kaseta lendong atalokdaktsüba sülen Muslim nisungtem US-i maitdaktsüi nokdangtsü onük Trump-i taoba hopta benoka sülen US o Europe na densema, alima tesem balala nung tang rong rong tulu atalokdakja lir.