Trump indang travel ban asemben buba nokdang

Washington, October 18 (Agencies): Tir Donald Trump-i immigration atema mangatettep aketba ‘executive order’ agütsür aliba ya mapa küma jungjunga tenzüktsü anasa lia US federal judge ajanga Mongulbarnü White House dang iba mapa meinyaktsü tenokdangba agütsüogo.
Linük kar nungi United States-i marudaktsütsü asoshi Trump-i mapang talangka nungi meranga arudagi, saka Hawaii nung aliba US District Judge Derrick Watson-i iba telemtetba agi.
Travel ban asembuba ya Muslim nunger timba aliba linük trok aser North Korea den Venezuela nung ketdangser kar nem agüja lir, saka iba totuyuba ya ozüng kübok temeden mali, ta Watson-i ashi.
Linük temeja trok nung aliba nisung million 150 dak tali United States-i arutsü nungi nokdangba atema kuli tejangja mali, ta Watson-i zülutsü.
Iba obendang agütsüba ajanga Trump administration-i Supreme Court nung maneni ken o benoka iba immigration order ya ozüng nung ali asü masüar, telemtetba agitsü südi, ta ashir.